Saltar al contenido
Sustituye a Luis Felipe Llamas Gómez

Javier Sancho Hernández, novo Director da Refinería Da Coruña

PDF 151 KB Descargar documento
Javier Sancho Hernández, nuevo Director de la Refinería de A Coruña

Repsol aprobou o nomeamento de Javier Sancho Hernández como novo director da Refinería da Coruña, en substitución de Luís Felipe Llamas Gómez, quen pasa a ocupar a Dirección de Refino de Repsol en Perú, país no que a compañía ten unha Refinería. Estes cambios enmárcanse na nova estrutura organizativa que aprobou Repsol e que están en liña coa estratexia global de anticiparse aos novos retos do sector enerxético, profundar nas fortalezas e maximizar os recursos, co fin de lograr os mellores resultados na consecución do Plan Estratéxico 2016-2020.

Javier Sancho Hernández é licenciado en Ciencias Químicas pola Universidade de Barcelona e Máster no Programa de Desenvolvemento de Directivos pola escola de negocios IESE. Ingresou en Repsol en agosto de 1991 e nos seus máis de 25 anos na compañía ocupou diversos postos no Complexo Industrial de Tarragona, nos departamentos de Xestión de Calidade, Laboratorio, Procesos, Produción, Planificación e Control, e Seguridade. En 2007 foi nomeado Subdirector de Servizos Técnicos e en 2008, Subdirector de Seguridade, Calidade e Medio Ambiente do Complexo Industrial. En 2012 asumiu o cargo de Director Xeral de Asfaltos Españois (ASESA), empresa participada por Repsol e Cepsa dedicada ao refino do petróleo e especializada na produción de betún asfáltico, posto que desempeñou ata a actualidade. No ámbito da Asociación Empresarial Química de Tarragona (AEQT), en 2012 foi nomeado Presidente da Comisión de Medio Ambiente e en 2014, Vicepresidente da Asociación.

Luis Felipe Llamas Gómez é licenciado en Ciencias Químicas pola Universidade de Santiago de Compostela e conta cun Máster no Programa de Desenvolvemento de Directivos pola escola de negocios IESE. Nos seus case 30 anos en Repsol, onde comezou a súa vida profesional en 1990, ocupou os cargos de Técnico de Procesos, Xefe de Unidades de Coquización, Xefe de Conversión e Xefe de Refinería na Coruña, ata que en 2008 foi nomeado Director de Produción do Complexo Industrial de Repsol en Tarragona. En 2011 regresou á Coruña para facerse cargo da Dirección da Refinería, cargo que ocupará ata a súa incorporación na área de Refino de Repsol Perú.

De izquierda a derecha, Javier Sancho Hernández, novo Director da Refinería de Repsol na Coruña y Luis Felipe Llamas González, novo Director de Refino de Repsol en Perú.