Saltar al contenido

Repsol se suma al proyecto cultura inclusiva de la Fundación Emalcsa

Repsol se suma al proyecto cultura inclusiva de la Fundación Emalcsa

O director da Refinería de Repsol na Coruña, Javier Sancho, e o alcalde da Coruña, Xulio Ferreiro, formalizaron esta mañá o convenio de colaboración entre ambas as entidades destinado a dotar de fondos a segunda convocatoria do proxecto Cultura Accesible e Inclusiva de Fundación Emalcsa. O convenio de colaboración supón a achega por parte da Refinería de 10.000 euros.

Tal e como explicaba Javier Sancho, “este convenio enmárcase dentro do compromiso de Repsol coa difusión cultural, e que mellor maneira de afianzar este compromiso que mediante un proxecto que busca levar a cultura a todos e cada un dos cidadáns, sen importante a súa condición.”

Pola súa banda, o alcalde, Xulio Ferreiro, destacou a nova convocatoria de Cultura Inclusiva e Solidaria que esta edición “abriuse á colaboración de terceiras entidades, como Repsol, que realizan un gran labor de patrocinio, fundamental para abordar, entre todos e todas, un dos maiores retos que temos por diante, que é o de facer desta unha cidade que inclúa realmente ás diversidades”.

O obxectivo deste proxecto é axudar a entidades coruñesas a desenvolver iniciativas que faciliten a inclusión e accesibilidade á cultura de todas aquelas persoas con capacidades diferentes ou en risco de exclusión social.

Para iso, cada entidade poderá presentar só un proxecto, para o cal poderá obter entre 3.000 e 10.000 euros, que será a contía máxima. Os gastos que se poderán xustificar serán, entre outros, os de persoal, relacionados coa montaxe de eventos culturais ou para a eliminación de barreiras en lugares onde se desenvolve o proxecto, desprazamentos, comunicación ou márketing.

Para máis información, pódese consultar a páxina web www.fundacionemalcsa.es, na que se detalla a documentación necesaria que se deberá presentar, como máximo ata o 15 de novembro deste exercicio. As solicitudes que se tramiten fose do prazo establecido, ou que non se axusten ás bases, quedarán excluídas da convocatoria. A resolución, que terá carácter irrevogable, será publicada no web da Fundación Emalcsa.

Esta colaboración co Concello da Coruña enmárcase dentro do compromiso socialmente responsable que a Refinería mantén coa súa contorna máis próxima co obxectivo de mellorar a calidade de vida das persoas e lograr un maior desenvolvemento social.