O Complexo Industrial achega ciencia e enerxía na Coruña a través do seu talento feminino
- Inspiración e aprendizaxe a través de varias mulleres e nenas que apostan pola enerxía para liderar e impulsar o cambio.
- Desde Complexo Industrial conmemoramos o Día da Muller e a Nena na Ciencia mostrando o noso talento en diferentes iniciativas celebradas na cidade.
O IX Congreso Inspiring Women Leaders organizado por W Startup Community na Universidade da Coruña (UDC) contou co patrocinio de Repsol e a participación de Cristina Diezma, analista Sr. de M&A, quen achegou aos asistentes as iniciativas que temos para detectar e apoiar novas tecnoloxías e negocios que nos axudan a alcanzar os obxectivos de descarbonización.
O Congreso Internacional tamén contou coa participación de M.ª Ángeles Arroyo, xerente Sr. Do Centro de IA Xenerativa de Repsol.
Esa mesma mañá, Natalia Barreiro, directora do Complexo Industrial, participou nunha mesa redonda da Confederación de Empresarios da Coruña (CEC), que buscaba recoñecer a importancia da participación feminina na ciencia e a tecnoloxía e sensibilizar sobre a necesidade de aumentar a representación das mulleres nestes campos.
En 2023 o equipo “Tech4Help” de Repsol Digital Girls da Coruña conseguiu o primeiro premio na final rexional do Technovation Girls Madrid, na categoría de beginners. Este ano o equipo embárcase de novo no concurso xunto aos seus mentores Susana Benedicto e Óscar Otero, trabajadores do Complexo, e non dubidaron en achegarse ao programa Voces da Coruña de Radio Voz para a través das ondas servir de inspiración a outras nenas.
Por último, ‘Muller e Ciencia no futuro do Hidróxeno’ unha xornada sobre a presenza da muller no sector do hidróxeno verde organizada pola Asociación Galega do Hidróxeno (AGH2) contou coa participación de Raquel Lasierra, xerente de Desenvolvemento de Negocio. Xunto a destacadas profesionais científicas e directoras de diversas compañías analizou os desafíos que enfrontan as mulleres en posicións executivas e técnicas, resaltando que máis do 50% da dirección de H2 en Repsol está composta por mulleres.
A igualdade de xénero e a diversidade convertéronse en piares fundamentais para o progreso económico e social e desde Repsol seguimos trasladando cada día a importancia de potenciar o talento feminino no sector industrial.