Segunda fase de traslado ao Porto Exterior

Porto Exterior de Arteixo

Comezamos a segunda fase para completar o traslado dos nosos tráficos do porto interior da Coruña ao Porto Exterior de Arteixo. 

Tras completarse en 2023 o traslado das operacións de cru en Langosteira coa inauguración do novo terminal marítimo, comezamos esta segunda fase para completar as instalacións portuarias que nos permitirán tamén realizar a carga e descarga de materias primas e produtos adicionais aos que se trasiegan actualmente.

Presentación do acordo

Repsol inviste máis de 140 millóns de euros para levar a cabo esta segunda fase do traslado, que supoñerá modificacións tanto no Complexo Industrial como a ampliación das instalacións portuarias en Punta Langosteira (Arteixo). 

Este investimento engádese aos 126 millóns de euros da etapa inicial, polo que a compañía enerxética destina en total máis de 260 millóns ao traslado ao Porto Exterior.

Repsol no Porto Exterior de Punta Langosteira

Descobre neste vídeo o desenvolvemento das infraestruturas de Repsol no porto exterior de Punta Langosteira, en Arteixo, amosando tanto as instalacións xa operativas como as ampliacións previstas.

A través desta infografía explicativa detállanse as frontes de atraque actuais e futuras, as novas interconexións internas, o sistema de bombeo e o poliducto, permitindo comprender de forma visual como se articula o conxunto do proxecto e a súa evolución por fases.

Punta Langosteira: presente e futuro

Nesta infografía presentamos de forma clara as frontes de atraque actuais e proxectadas, as novas interconexións internas, así como o sistema de bombeo e o poliducto, facilitando unha comprensión visual da estrutura global do proxecto e da súa implantación por fases.

Infografía con datos relevantes del proyecto

Novas infraestruturas e equipamentos

As principais actuacións no novo proxecto inclúen modificacións no Complexo Industrial, ademais da ampliación e instalación de novas infraestruturas e equipamentos no Porto Exterior, para permitir a transferencia de carga e descarga de materias primas e produtos adicionais aos que se trasiegan actualmente.

Investimento de 140 millóns de euros

Destínanse 30 millóns de euros ás modificacións no complexo industrial e 110 millóns de euros á ampliación das instalacións xa existentes e ás novas infraestruturas e equipamentos.

Ampliacións do pantalán

Incorporaranse principalmente novos brazos de carga, un sistema de drenaxe con bombeo e unha área destinada aos sistemas robóticos de seguridade.

Novo frente 2

A nova fronte de atracada (fronte 2), estará situado no peirao comercial (A3) contará con preto de 6.000 m2 e permitirá a atracada de buques entre 3.000 TPM e 50.000 TPM. 

Ampliación do sistema de bombeo

Ampliarase a superficie do sistema de bombeo existente con 3.700 m2 adicionais e reforzará as instalacións con novas bombas de impulsión que, con máis de 3.000 kW de potencia conxunta instalada, servirán para a trasfega dos produtos e materias primas entre o Porto Exterior e as instalacións industriais.

Interconexions

A compañía realizará a interconexión coa rede interna no Porto Exterior, enlazando tanto a ampliación da fronte 1 no pantalán actual, como a nova fronte 2 coa área do sistema de bombeo. 

Novo frente 3 

Haberá un terceiro frente (frente 3), adosado á cara sur do pantalán actual de Repsol para a atracada de buques entre 8.000 TPM e 80.000 TPM.

Segunda fase del puerto exterior de A Coruña

O noso compromiso unha realidade

En outubro de 2013, reafirmando o compromiso coa nosa contorna, asinamos o acordo coa Autoridade Portuaria da Coruña para o traslado gradual das operacións de sólidos e cru a Langosteira. 

Entre 2015 e 2017 trasladamos os graneis sólidos (xofre e coque) e en 2023 completamos o acordo asinado co traslado das operacións de cru que comeza coa inauguración do novo terminal marítimo. 

En 2024, as mercadorías operadas por Repsol en ambas as dársenas alcanzaron os 10 millóns de toneladas, o que representa máis do 60% do tráfico do porto. Desta cifra, 4,2 millóns de toneladas xestionáronse no Porto interior.