Repsol e a Autoridade Portuaria da Coruña dan luz verde ao traslado definitivo ao Porto Exterior
- Repsol e a Autoridade Portuaria han aprobado os termos do traslado de tráficos que actualmente permanecen no Porto interior, onde hai unha concesión ata finais de 2027.
- Repsol prevé investir ata 140 millóns de euros na segunda fase do traslado. En total a compañía destinaría máis de 250 millóns no traslado ao Porto Exterior, confirmando o compromiso co presente e futuro económico e industrial da Coruña e de Galicia.
- Este novo investimento inclúe as modificacións necesarias no complexo industrial de Repsol, así como nas instalacións portuarias de Punta Langosteira.
Repsol e a Autoridade Portuaria da Coruña deron luz verde á finalización do traslado ao Porto Exterior dos últimos tráficos da compañía, actualmente no Porto interior e con concesión ata finais de 2027.
Repsol prevé investir ata 140 millóns de euros para levar a cabo a segunda fase do traslado, elevando o investimento total a máis de 250 millóns de euros. Con este acordo a compañía confirma o seu compromiso co presente e futuro económico e industrial da Coruña e Galicia.
Este proxecto para o traslado total dos tráficos supoñerá modificacións tanto no complexo industrial como nas instalacións portuarias en Punta Langosteira. Os termos do acordo, que foron aprobados esta mañá no Consello de Administración da Autoridade Portuaria, asinaranse entre ambas as entidades nos próximos días e inclúen unha prórroga de 15 anos á concesión actual de 35 anos no Porto Exterior. A nova superficie de ocupación total da compañía na dársena exterior alcanzará os 127.000 m2 entre parcela de chan e lámina de auga.
As actuacións inclúen a ampliación da área de bombeo, novas interconexións no interior portuario co trazado do poliducto existente e infraestruturas no peirao actual (fronte 1). Ademais, construirase unha nova fronte 2 para atracada dos barcos no peirao comercial existente no porto. A obra mariña da fronte 2 de atracada levaraa a cabo a Autoridade Portuaria. Tamén se contempla a posibilidade de engadir unha terceira fronte situada ao cara sur do peirao actual de Repsol, inaugurado en 2023.
Os tráficos operados por Repsol en ambos os portos alcanzaron os 10 millóns de toneladas en 2024 (máis do 60% do tráfico do porto coruñés), dos que 4,2 millóns de toneladas realizáronse no Porto interior. Con este traslado e as modificacións necesarias, as instalacións permitirán a xestión de novas materias primas de orixe orgánica e produtos baixos en carbono, o que contribuirá ao hub de enerxías renovables que supón o A Coruña Green Port.
Repsol é un dos principais motores económicos de Galicia, a través das actividades do seu complexo industrial da Coruña, que xera máis de 600 postos de traballos directos, 400 indirectos e 3.000 inducidos, e onde está a desenvolver distintos proxectos de descarbonización e economía circular. A compañía conta ademais con outras instalacións na comunidade, como factorías de GLP e asfaltos e máis de 250 estacións de servizo. Nos últimos anos, Repsol realizou investimentos superiores a 350 millóns de euros no complexo coruñés.