Participamos na iniciativa “Brazaletes de Esperanza” da AECC

• O Complexo Industrial de Repsol na Coruña participa na iniciativa solidaria “Brazaletes de esperanza”, que promove a Asociación Española Contra o Cáncer (AECC) con motivo do Día Mundial Contra o Cancro, que se conmemora cada 4 de febreiro.

Empregados do Complexo Industrial, compañeiros doutros centros industriais e de empresas auxiliares quixeron unirse contra o cancro e sumarse á iniciativa promovida pola AECC: “Brazaletes de esperanza”, o símbolo que humaniza para dar voz ás persoas con cancro e a quen as coida.

O que empezou en 2024 como unha iniciativa unida ao deporte está a converterse nun movemento social imparable ao que se sumou este ano o equipo do Complexo Industrial de Repsol, lucindo o brazalete verde como acto de solidariedade. A implicación nestas campañas é clave para dar visibilidade a unha realidade que afecta a miles de persoas e as súas familias, trasladando unha mensaxe de apoio e proximidade e lembrando a importancia de mirar máis aló do diagnóstico para entender o que viven quen o atravesa e quen lles acompaña cada día.

Porque detrás de cada brazalete hai unha persoa, unha historia e unha familia.

#OSímboloQueHumaniza