Eficiencia enerxética para a reducción de emisións de CO2

Utilizamos só aquela enerxía que realmente necesitamos

A eficiencia enerxética é para Repsol unha das vías con maior potencial para mitigar as emisións de gases de efecto invernadoiro (GEI).

O uso eficiente da enerxía permítenos utilizar menos recursos obtendo os mesmos resultados e no noso caso, conseguímolo coa optimización diaria, a mellora dos procesos substituíndo equipos obsoletos por outros de tecnoloxías melloradas ou innovadoras, ou mediante a dixitalización. Todo isto, xunto coa reciclaxe, os combustibles renovables e de baixo contido en carbono e o consumo intelixente, constitúen a nosa folla de roteiro para alcanzar as cero emisións netas en 2050.

IMA_A Coruña_Archivo_Entorno_01

Reducimos máis de 8.000 toneladas de CO2/ano en 2023 e reduciremos máis de 11.000 toneladas de CO2/ano en 2024

Repsol ten como un dos seus obxectivos prioritarios a redución de gases de efecto invernadoiro en consonancia cos acordos de París. 

Na refinería da Coruña, investimos na parada programada do 2023 máis de 11 millóns de euros, en modificacións dos procesos que nos están permitindo consumir menos enerxía, sendo máis eficientes e competitivos.

En concreto, instalouse unha nova torre na unidade de destilación 2, un precalentador de aire na planta desulfuradora 1 e novo intercambiador de calor na desulfuradora 2 que nos van a permitir utilizar menos recursos e obter unha redución de  CO2 próxima ás 8.000 toneladas anuais e avanzar así na nosa transformación e descarbonización.

Os proxectos de eficiencia enerxética na Coruña

Estes traballos de mellora en eficiencia enerxética e redución de emisións de CO2 contan co apoio do programa de aforro e eficiencia enerxética en PEME e gran empresa do sector industrial, cofinanciada baixo o lema “Unha maneira de facer Europa”, polo Fondo Europeo de Desenvolvemento Rexional (FEDER), coordinada polo IDAE e xestionada polo INEGA.

Instalamos una nova torre

O proxecto de eficiencia enerxética consiste na instalación na unidade dunha nova torre de 40 m de alto, que vai permitir realizar unha separación entre os produtos lixeiros e pesados, evitando que os máis lixeiros teñan que ser quentados no forno, aforrando así enerxía e combutible.

Instalamos un novo intercambiador

En HDS2, a principal desulfuradora de gasóleo, ha instalado un novo equipo de intercambio de calor que permite mellorar a integración enerxética da unidade, recuperando a calor do gasóleo producido para quentar a alimentación. Deste xeito a Unidade é máis eficiente, redúcese o consumo de combustible no forno, e por tanto, as emisións de CO2. 

Instalamos un novo precalentador

No caso da outra desulfuradora de gasóleos (HDS1), mediante un equipo precalentador de aire de última xeración, conséguese recuperar a calor que sae do forno e que se perdería no ambiente a través da cheminea, dándollo ao aire que entra a temperatura ambiente. Desta maneira, esta corrente require unha menor achega de enerxía, o que se traduce nunha redución directa de emisións de CO2. Desta maneira, esta corrente require unha menor achega de enerxía, o que se traduce nunha redución directa de emisións de CO2.

Queremos ser unha compañía cero emisións netas en 2050.

Somos a primeira compañía en asumir o compromiso de alcanzar cero emisións netas en 2050, en consonancia cos obxectivos do Cume de París e os de Desenvolvemento Sostíbel de Nacións Unidas. Ao mesmo tempo, fixámonos unha senda de descarbonización con obxectivos intermedios de 2020 a 2040. Temos novas metas de redución do noso indicador de intensidade de carbono sobre a base do ano 2016: do 10 % en 2025, do 20 % en 2030 e do 40 % en 2040, para avanzar cara ás cero emisións netas de CO2 no ano 2050. 

Aínda que a eficiencia enerxética estivo sempre presente nos nosos proxectos, nos últimos anos quixemos dar un paso máis impulsando plans e obxectivos máis ambiciosos para reducir a intensidade enerxética e de carbono nas nosas operacións.

Algúns exemplos son os xa mostrados, pero temos outros, como poden ser proxectos de electrificación (cambio de turbinas por motores máis eficientes e con menor pegada de carbono).