Alberto Ramos recibe o Premio de Narrativa Breve Repsol pola sua obra Pirotecnia

O acto de entrega tivo lugar na sede da Fundación Paideia Galiza e estivo presidido por José López Campos, conselleiro de Cultura, Lingua e Xuventude; Mercedes Gómez Badiola, xerente de Relacións Institucionais de Fundación Repsol; e Xosé Manuel Soutullo, director xeral da Editorial Galaxia.

Asistiron tamén ao acto Valentín García, secretario xeral da Lingua; Cesáreo Sánchez, presidente da Asociación de Escritoras e Escritores en Lingua Galega (AELG); Natalia Barreiro, directora do Complexo Industrial de Repsol; Carlos Calvelo, alcalde de Arteixo; Belén Docampo subdelegada da Xunta de Galicia en A Coruña; os concelleiros de Cultura da Coruña e Arteixo, Gonzalo Castro e Dolores Dubra, membros da corporación de ambos concellos; así como diversas autoridades e representantes de entidades empresariais e socioculturais, entre outros asistentes. A entrega contou no peche cun recital da intérprete galega, Rosa Cedrón.

O gañador

Alberto Ramos (Santiago de Compostela, 1986) é a segunda vez que obtén este premio. Licenciouse en Xornalismo pola Universidade de Santiago de Compostela (USC) en 2009. Iniciou a súa traxectoria profesional na sección de cultura no diario Xornal de Galicia. tras o peche da cabeceira, continuou a súa carreira como colaborador en medios como Praza, Nós Diario ou Luzes e especializouse na comunicación de iniciativas culturais. Na actualidade, traballa na Asociación de Actores e Actrices de Galicia (AAAG).

Iniciouse no ámbito literario en 2006 con Dor pantasma (Biblos, 2006), título co que acadou o premio Biblos-Pazos de Galicia de novela. En 2009 gañou o Premio de novela por entregas de La Voz de Galicia coa obra Con acuse de recibo (Biblos, 2010). Fíxose co premio de creación literaria Vicente Risco en dúas ocasións: en 2012 con Todos os días (Sotelo Blanco, 2013) e no 2018 con A simetría das bestas (Urco, 2018).

A súa novela Máscaras rotas para Sebastian Nell (Galaxia, 2014) foi merecedora do Premio García Barros en 2014. En 2022 publicou Os corpos dos Romanov (Galaxia, 2022), titulo galardoado co Premio Narrativa Breve Repsol. En 2023, acadou o premio Rafael Dieste de textos teatrais coa obra, Conxo, no restraint. Tamén en teatro logrou o Premio Abrente da Mostra Internacional de Teatro de Ribadavia en 2024 coa obra Os servizos prestados.

Dezaoito edicións apoiando a creación en galego

O Premio Narrativa Breve foi creado no ano 2006 polo Complexo Industrial de Repsol da Coruña e vertebrado de forma conxunta coa Secretaría Xeral da Lingua da Xunta de Galicia, co obxectivo de fomentar a cultura e a lingua galega. No 2010, Fundación Repsol toma a substitución no impulso do certame, que, desde o seu inicio, conta co apoio da Real Academia Galega e da Asociación de Escritoras e Escritores en Lingua Galega (AELG).

Na primeira edición, en 2006, o xornalista, Miguel Sande, conseguiu este galardón pola súa obra Se algún día esta muller morta e Xavier Lama, profesor da USC e xornalista, conseguiu un accésit por O insomnio dos centauros.

A gañadora da segunda edición foi a obra Así nacen as baleas, da escritora Ánxeles Sumai, e na terceira o narrador, dramaturgo e debuxante humorístico Xosé Luís Martínez Pereiro obtivo o galardón por A verdade como mal menor.

Na edición 2010 o premio foi para o escritor, Xurxo Sierra, pola súa obra Os Fios. Microbios e outros paquidermos de Fernando Díaz-Castroverde gañou a edición de 2011.

En 2012, o galardón foi para A forma das nubes, de María López Sandez; mentres que no 2013 a novela curta gañadora foi O derradeiro libro de Emma Olsen, de Berta Dávila.

No 2014 Santiago Lopo conseguiu o premio grazas á súa obra A diagonal dos Tolos e no 2015 a novela galardoada foi Fontán do vigués, Marcos Calveiro. Daniel Asorey converteuse no gañador da edición de 2016 con Nordeste.

O xornalista, escritor e profesor, Xosé A. Neira Cruz, obtivo o galardón por O sono das sereas no 2017 e o monfortino, Antón Lopo, gañou no 2018 pola súa obra Extraordinario.

Nas edicións de 2019 e 2020 foron galardoados dous novos escritores galegos: Gonzalo Hermo pola súa obra Diario dun enterro e Berta Dávila converteuse por segunda vez en gañadora deste galardón coa súa novela breve Illa Decepción.

No 2021, a novela Eternity do escritor Xosé Monteagudo foi a obra elixida polo para obter o premio, e no 2022 foi o gañador de esta edición, Alberto Ramos, pola súa novela Os corpos dúas Romanov. No 2023, o gañador do galardón foi Fran Fernández Davila pola súa obra Groenlandia O certame contou desde o seu nacemento en 2006 coa participación de case 600 obras orixinais de escritores galegos.