Repsol achega a súa transformación industrial a máis de 100 alumnos de FP do CIFP Ferrolterra
- O relatorio permitiu aos estudantes coñecer o papel relevante que xoga a FP nesta transformación e serviulles como orientación das saídas profesionais que terán para o seu futuro.
- O pasado mes de marzo Repsol renovaba o convenio marco de Formación Profesional coa Xunta de Galicia. Unha colaboración que empresa e administración manteñen neste campo e que foi ampliándose periodicamente desde o seu primeiro acordo en 1997.
Natalia Barreiro, directora do Complexo Industrial de Repsol na Coruña, ofreceu esta mañá unha charla aos máis de 100 alumnos de Formación Profesional (FP) do CIFP Ferrolterra de Ferrol (A Coruña), para achegarlles a transición enerxética e o proceso de transformación industrial da empresa multienergética.
O relatorio tamén permitiu aos estudantes coñecer o papel relevante que xoga a FP nesta transformación e serviulles como orientación das saídas profesionais que terán para o seu futuro.
Durante a súa charla, Natalia Barreiro estivo acompañada por Mª Eugenia Pérez, directora xeral de Formación Profesional da Xunta de Galicia, Enrique Pazo, director do CIFP Ferrolterra, e Raúl Cabarcos, ex alumno do ciclo formativo de Automatización e Robótica Industrial no centro ferrolán. Este último contou aos presentes como os seus estudos de FP convertérono en operador de planta química en Repsol e a súa formación práctica e experiencia na empresa.
Renovación do convenio marco de FP
O pasado mes de marzo, Repsol renovaba o convenio marco de Formación Profesional (FP) coa Consellería de Cultura, Educación, FP e Universidades. Unha colaboración que empresa e administración manteñen neste campo educativo e que foi ampliándose periodicamente desde o seu primeiro acordo en 1997.
Actualmente inclúe a modalidade dual do ciclo de grao superior de Mecatrónica Industrial xunto ao CIFP Ferrolterra. Na devandita oferta formativa os alumnos combinan durante dous cursos os seus estudos no centro educativo con formación e prácticas remuneradas nas instalacións coruñesas de Repsol. En total, 926 horas remuneradas con formación curricular, o que supón un 44% da formación no centro de traballo. Ademais deste ciclo, a colaboración coa formación profesional dual no Complexo Industrial de Repsol tamén inclúe a Química Industrial xunto ao IES A Sardiñeira da Coruña.
Automatización e Robótica Industrial, Organización e Mantemento de buques, Comercio e Marketing, Xestión Administrativa, Química Ambiental, e Laboratorio de Análise e Control, son outros dos ciclos formativos cos que a empresa colabora e cuxo alumnado realiza a Formación en Centros de Traballo (FCT).